सानीभेरीमा एक महिला घरभित्रै मृत फेला

रुकुम पश्चिमको सानीभेरीमा आफ्नै घरभित्र एक महिलाको शव फेला परेको छ । 

सानीभेरी गाउँपालिका वडा नम्वर ५ घापागार निवासी अन्दाजी ४५ बर्षीया ललिता पुन आफ्नै घरभित्र मृत अवस्थामा भेटिएको वडा अध्यक्ष मोतिराम खत्रीले जानकारी दिनुभयो । उहाँका अनुसार सोमबार बेलुका साढे ६ बजेको समयमा पुन आफ्नै घरको कोठामा मृत अवस्थामा फेला परेकी हुन् । 

सूचना लगत्तै प्रहरीलाई जानकारी गराएर आफू पनि प्रहरीकै साथमा घटनास्थलतर्फ जाँदै गरेको उहाँले जानकारी दिनुभयो । मृतक पुनका श्रीमान र दुई छोरी हुनुहुन्छ । मृत्युको कारण भने खुलेको छैन । 

श्रीमान् घरमा नभएको बेला यस्तो घटना घटेको बताईएको छ । जिल्ला प्रहरी कार्यालयका प्रहरी नायब उपरीक्षक प्रमेश बिष्टले उक्त सूचना पश्चात प्रहरी चौकी सिम्लीबाट प्रहरी टोली घटनास्थलतर्फ गएको छ । त्यसपछि घटनाको कारण र थप विवरण उपलब्ध हुने बताईएको छ ।