सहिद दिवसको अवसरमा चौरजहारीमा ब्याडमिन्टन र हाजिरी जवाफ प्रतियोगिता सम्पन्न

राष्ट्रिय सहिद दिवस, २०८१ का अवसरमा चौरजहारीमा ब्याडमिन्टन र हाजिरी जवाफ प्रतियोगिता सम्पन्न गरिएको छ । 

स्वतन्त्र विद्यार्थी युनियन (स्ववियु) शितल क्याम्पसको आयोजनामा बुधबार खुला क्याम्पस स्तरीय ब्याडमिन्टन र बिद्यालय स्तरीय हाजिरी जवाफ कार्यक्रम सम्पन्न भएको हो । 

ब्याडमिन्टन प्रतियोगितामा शितल क्याम्पस समुह 'ई' का सन्जय बस्नेत र सौगात रोका प्रथम, समुह 'बि' का खिम प्रसाद लामिछाने र युवराज लामिछाने द्वितिय  र सानीभेरी शिक्षा क्याम्पसका राम बहादुर बिस्ट र राम कृष्ण नकाल तृतिय हुनुभएको छ । ब्याडमिन्टन प्रतियोगितामा विभिन्न १२ वटा समुहले भाग लिएको स्ववियु सभापति निराजन केसीले जानकारी दिनुभयो । 

हाजिरी जवाफ प्रतियोगितातर्फ सहिद यज्ञस्वर स्मृति बहुप्राविधिक शिक्षालय प्रथम, शितल माध्यमिक विद्यालय चौरजहारी द्वितिय र माध्यमिक विद्यालय खहरेले तृतीय स्थान प्राप्त गरेका छन् । यो प्रतियोगितामा १३ वटा समुहले प्रतिस्पर्धा गरेका थिए । 

दुबै प्रतियोगितामा प्रथम, द्वितिय र तृतीय हुने समुहले क्रमश: १० हजार, सात हजार र चार हजार नगद पुरस्कारको साथमा मेडल र प्रमाणपत्र हात पारेका छन् । 

कार्यक्रमको उद्घाटन सत्रमा जिल्ला समन्वय समिति रुकुम पश्चिमको प्रमुख लुम्बिनी गौतमको प्रमुख आतिथ्यता र चौरजहारी नगरपालिकाको उपप्रमुख इश्वरी शर्मा बिएमको बिशेष आतिथ्यमा रहेको थियो ।  

स्ववियु सभापति निराजन केसीको अध्यक्षतामा भएको दिवस बिशेष कार्यक्रमको सञ्चालन सचिव कलबहादुर खड्काको रहेको थियो भने सहसचिव सन्देश कुमार बिकको स्वागत मन्तव्य रहेको थियो ।