सल्यान महोत्सवमा आगलागि, ८० स्टल खरानी

सल्यानको श्रीनगरमा जारी महोत्सवमा आगलागि भएको छ ।   

राष्ट्रिय लोकदोहोरी प्रतिष्ठान सल्यानले आयोजना गरेको दोस्रो बृहत सल्यान महोत्सवस्थलमा गए राती आगलागी भएको हो । माघ १८ गतेबाट जारी महोत्सवमा ८ औं दिन राती आगलागी भएको हो ।

महोत्सवमा राखिएका १३५ स्टल मध्य ८० स्टलमा आगजानी भएको राष्ट्रिय लोकदोहोरी प्रतिष्ठान सल्यानका सचिव नोखिराम थापाले जानकारी दिनुभयो । उहाँका अनुसार गएराती ११ बजे स्टलमा आगलागी भएको हो । आगलागीबाट आठ करोड बढिको क्षति भएको अनुमान गरिएको छ ।  

नेपाली सेना, नेपाल प्रहरी, सशस्त्र प्रहरी र स्थानीयद्वारा राती नै आगो नियन्त्रणमा लिएको जिल्ला प्रहरी कार्यालय सल्यान प्रहरी प्रमुख केशर न्यौपानेले जानकारी दिनुभयो । उहाँले क्षतिको यकिन विवरण सङ्कलन भइरहेको र आगलागीको कारणबारे अनुसन्धान भइरहेको जानकारी दिनुभयो।