खारा ब्यारेक नजिकै भेटियो बम

रुकुम पश्चिमको त्रिवेणी गाउँपालिस्थित नेपाली सेनाको ब्यारेज नजिकै बम फेला परेको छ । 

वडा नम्वर ६ बित्तास्थित लालिगुराँस सामुदायिक वन क्षेत्रमा आज बिहान बम फेला परेको हो । 

वडा अध्यक्ष भद्रबहादुर सेर्पालीले जङगलको खोल्सामा बम भेटिएको सूचना दिएपश्चात प्रहरी चौकी झुन्नेटाबाट र चण्डीदल गण सुरक्षा पोष्ट खाराबाट सुरक्षाकर्मीको टोली घटनास्थल गएको छ । 

जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले घटनास्थल सुरक्षित गरिएको र बम डिस्फोजल टोली घटनास्थल पुगिसकेको जानकारी दिनुभयो । 

उक्त बम विगतको द्वन्द्वको क्रममा छोडिएको हुन सक्ने बताईएको छ ।