लक्ष्मी सनराइज बैंकद्वारा छात्रबृत्ति वितरण 

रुकुम पश्चिमस्थित लक्ष्मी सनराइज बैंक मुसिकोट शाखाले गरिब तथा जेहेन्दार विद्यार्थीलाई छात्रबृत्ति प्रदान गरेको छ । 

शाखाले मुसिकोट नगरपालिका –१ स्थित सरस्वती माध्यमिक विद्यालय सल्लेमा कक्षा ८ मा अध्ययनरत छात्रा अनुशा रसाईलीलाई छात्रबृत्ति प्रदान गरेको हो । 

लक्ष्मी सनराइज बैंकको संस्थागत सामाजिक उत्तरदायित्व अन्तर्गत एकजना गरिब तथा जेहेन्दार विद्यार्थीलाई छात्रबृत्ति स्वरुप १५ हजार रुपियाँ प्रदान गरिएको शाखाका प्रवन्धक सुधिर शाहले जानकारी दिनुभयो । शुक्रबार बिद्यालयमै पुगेर अनुशालाई छात्रबृत्ति रकम हस्तान्तरण गरिएको हो । गरिब तथा जेहेन्दार विद्यार्थीको शैक्षिक विकास र प्रेरणाका लागि उक्त सहयोग गरिएको बैंकले जनाएको छ । 

बैंकले हरेक वर्ष छात्रबृत्ति वितरण, वृक्षारोपण, स्वास्थ्य सेवा लगायतका सामाजिक कार्यहरु गर्दै आईरहेको छ । 

छात्रबृत्ति हस्तान्तरण कार्यक्रममा बैंकका शाखा प्रवन्धक सुधिर शाह, कर्मचारी सरस्वती केसी, विद्यालयका प्रधानाध्यापक, शिक्षक तथा विद्यार्थीहरुको सहभागिता रहेको थियो ।