कालिकाद्वारा वित्तीय साक्षरतासँगै उत्कृष्ट केन्द्र र सदस्यहरुलाई सम्मान 

रुकुम पश्चिमको मुसिकोटमा वित्तिय साक्षरता र उत्कृष्ट केन्द्र र सदस्यहरुलाई सम्मान कार्यक्रम गरिएको छ । कालिका लघुवित्त वित्तीय संस्था लिमिटेड मुसिकोट शाखाले केन्द्र प्रमुख तथा वित्तीय साक्षरता कार्यक्रम गरेको हो । 

वित्तीय साक्षरताको महत्वबारे जानकारी दिन तथा उत्कृष्ट केन्द्रहरूलाई सम्मान गर्ने उद्देश्यले आयोजना गरिएको उक्त कार्यक्रममा जनप्रतिनिधि, पत्रकार तथा समूहमा आबद्ध महिला सदस्यहरूको सहभागीता रहेको थियो ।

कार्यक्रमको सञ्चालन मुसिकोट शाखा प्रमुख सिर्जना केसीले गर्नुभएको थियो भने अध्यक्षता कालिका लघुबित्तका अनुगमन अधिकृत दिपक बिष्टले गर्नुभएको थियो । प्रमुख अतिथिका रूपमा सामाजिक विकास समिति संयोजक तथा मुसिकोट नगरपालिका वडा नम्बर ७ का वडाध्यक्ष एक्कबहादुर पाण्डेले गर्नुभएको थियो ।

कार्यक्रममा मुसिकोट नगरपालिका वडा नम्बर २ का वडाध्यक्ष दिनेश खड्का, वडा नम्बर ३ का वडाध्यक्ष दशरथ केसी, वडा नम्बर ५ का वडाध्यक्ष समिरजङ मल्ल, वडा नम्बर ६ का वडाध्यक्ष भानु मल्ल, वडा नम्बर ११ का कार्यवाहक वडाध्यक्ष शशीराम रोका, नेपाल पत्रकार महासंघ रुकुम पश्चिमका उपाध्यक्ष देवकुमार ओली लगायतको आतिथ्यता रहेको थियो ।

कार्यक्रमका प्रमुख अतिथी एक्कबहादुर पाण्डेले वित्तीय साक्षरताको महत्व माथि प्रकाश पार्दै महिलाहरूलाई आत्मनिर्भर बनाउन वित्तीय ज्ञान अपरिहार्य रहेको बताउनुभयो । बचत तथा लगानीको उचित व्यवस्थापन, ऋणको प्रभावकारी उपयोग, वित्तीय योजना, उद्यमशीलताको प्रवद्र्धन र समुहगत सहकार्यको विषयमा जानकारी लिन सहभागीहरुलाई उहाँले आग्रह गर्नुभयो । 

कार्यक्रमकामा बिभिन्न विधामा उत्कृष्ट हुने महिला सदस्यहरू तथा केन्द्रहरूलाई सम्मान गरिएको छ । उत्कृष्ट ऋणी मञ्जरी कालिका महिला विकास केन्द्रकी सम्झना केसी, उत्कृष्ट बचतकर्ता ठुलीदह कालिका महिला विकास केन्द्रकी विनिता सुनार र उत्कृष्ट केन्द्र प्रमुख पारिजात कालिका महिला विकास केन्द्रकी शोभा परियार दमाई उपहार र सम्मान पत्रले सम्मान गरिएको छ ।

त्यस्तै बार्षिक केन्द्र मुल्याङकनतर्फ दशौँ स्थान आउनेसम्मलाई सम्मान गरिएको छ । जसमा प्रथम ठुली दह कालिका महिला विकास केन्द्र, दोस्रो उकाली कालिका महिला विकास केन्द्र, तेस्रो स्वारा कालिका महिला विकास केन्द्र, चौथो लेकबेसी कालिका महिला विकास केन्द्र, पाँचौ सुन्दरबस्ती कालिका महिला विकास केन्द्र, छैटौँ ग्याम्माखोला कालिका महिला विकास केन्द्र, सातौ व्यापारिक कालिका महिला विकास केन्द्र, आठौँ दलाखेत कालिका महिला विकास केन्द्र, नवौ बर्खेटाकुरी कालिका महिला विकास केन्द्र र दशौँमा नमुना बस्ती कालिका महिला विकास केन्द्रलाई बिभिन्न उपहार नगद र प्रमाणपत्रले सम्मान गरिएको छ ।

कार्यक्रममा मुसीकोट नगरपालिका, त्रिवेणी गाउँपालिका, सानीभेरी गाउँपालिका र बाँफिकोट गाउँपालिकाबाट समुहमा आवद्ध ८५ जना महिला सदस्यहरुको सहभागीता रहेको थियो ।