रुकुममा छोराको बिहेको निम्तो दिन गएकी महिला मृत अवस्थामा फेला
रुकुम पश्चिममा एक महिलाको शव फेला परेको छ ।
मुसिकोट नगरपालिका –१२ जमारी निवासी ४० वर्षीया ईश्वरी कामी घर नजिकैको भिरमा मृत अवस्थामा भेटिएको प्रहरीले जनाएको छ ।
जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकका अनुसार आज बिहान कामीको शव घरभन्दा करिब पाँच सय मिटर परको भिरमा फेला परेको हो ।
उहाँका अनुसार मृतक कामीका छोराको फागुन ९ गते (पर्सी) बिहे भएकोले आफन्तहरुलाई निमन्त्रणा दिन भनेर उहाँ हिजो (मङगलबार) बिहान घरबाट निस्कनुभएको थियो । निम्ता दिन गएको मान्छे घर नफर्किएपछि खोजीमा निस्केका आफन्तहरुले घर नजिकैको भिरमा रहेको गोरेटोबाट करिब दुई सय मिटर तल खसेको अवस्थामा उहाँको शव फेला पारेका थिए ।
आफन्तको दिएको सूचनापछि जिल्ला प्रहरी कार्यालयबाट प्रहरी निरीक्षक पाठकको नेतृत्वमा घटनास्थल गएको प्रहरी टोलीले घटनास्थल मुचुल्का लगायतका प्रक्रिया पुरा गरेर पोष्टमार्टमका लागि शवलाई जिल्ला अस्पताल सल्लेमा ल्याएको छ ।
पोष्टमार्टम रिपोर्टपछि थप विवरण आउने र अनुसन्धान भईरहेको प्रहरीले जनाएको छ ।
चौरजहारीबाट सुरु भयो भूकम्प प्रभावित घरहरूको विस्तृत क्षतिको आँकलन
शिक्षा ऐनको माग गर्दै सरकारको ध्यानाकर्षक
त्रिवेणीमा खेत खन्दा बम भेटियो
रनिङ शिल्डमा उत्कृष्ट हुने रुक्मिणीका ५० विद्यार्थी पुरस्कृत
रुकुम पश्चिममा भूकम्प प्रभावितको अस्थायी टहराको दोस्रो किस्ता निकासा
कार्यसम्पादनमा सानीभेरी गाउँपालिका जिल्लामै उत्कृष्ट, प्रदेशमा दोश्रो
