सल्यानमा  जिल्ला स्तरीय रास्ट्रपति रनिङ शिल्ड प्रतियोगिता सुरु 

सल्यानमा जिल्ला स्तरीय १५ औ रास्ट्रपति रनिङ शिल्ड प्रतियोगिता सुरु भएको छ ।

जिल्ला खेलकुद बिकास समिति सल्यानको आयोजना तथा कुमाख गाउँपालिकाको आर्थिक सहयोगमा बिहिवार कुमाख गाउँपालिका २ वडा नेटाको प्राङ्गणमा १५ औ रास्ट्रपति रनिङ शिल्ड प्रतियोगिता सुरु भएको हो । रनिङ शिल्ड प्रतियोगिताको उदघाटन कर्णाली प्रदेश सरकारका उधोग पर्यटन वन तथा वातावरण मन्त्री सुरेश अधिकारी र कर्णाली प्रदेशका पुर्व भुमि व्यवस्था कृषि तथा सहकारी मन्त्री भिम प्रकाश शर्माले गर्नुभएको हो । 

उदघाटन कार्यक्रममा बोल्दै मन्त्री अधिकारीले खेल क्षेत्र विकासका लागि सरकारले काम गरिरहेको र अब खेल पुर्वाधारमा जोड दिन आवश्यक रहेको बताउनुभयो । उहाँले स्थानीय तहले अब सडक पुर्वाधार भन्दा पनि स्तरीय खेलकुद मैदान बनाउनतर्फ ध्यान दिन आवस्यक रहेको बताउनुभयो । 

पछिल्लो समयमा खेलकुदका गतिविधि बढ्दै गएकाले जिल्लालाई खेलकुदमय बनाउनको लागि कर्णाली प्रदेश सरकारले आगामी योजनामा यसलाई प्राथमिकता दिने बताउनुभयो । मन्त्री अधिकारीले विकास निर्माणका काममा राजनीति गर्न नहुने भन्दै जिल्लाको समग्र बिकासको लागि सबै एकताबद्ध भएर लाग्नुपर्ने बताउनु भयो । 

पुर्व कृषि मन्त्री भिमप्रकाश शर्माले खेल क्षेत्रलाई उचो बनाउन नेपाली खेलाडीले महत्त्वपूर्ण भुमिका खेलेको बताउनुभयो । अहिले वडा तह देखि जिल्ला प्रदेश हुँदै राष्ट्रिय, अन्तरास्ट्रिय स्तर सम्म नेपाली खेलाडीको पहुँच पुगेकाले खेलकुद क्षेत्रमा प्रदेश सरकारले लगानी गरिरहेको वताउनु भयो । 

खेललाई मर्यादित र अनुशासन बनाउन सबैको भुमिका महत्त्वपूर्ण हुने र आर्थिक र भौतिक रुपमा सबैले आ आफ्नो ठाँउ बाट पहल गर्न आग्रह गर्नुभयो । 
कार्यक्रममा जिल्ला समन्वय समितिका प्रमुख बेलाराम रावलले खेलकुद बिकासमा बजेट नहुँदा खेल खेलाउन समस्या भएको बताउनुभयो । प्रदेशबाट आउने बजेट पनि कटौति भएकाले जिल्लाको खेलक्षेत्रमा लगानी हुन नसकेको बताउनुभयो । 

कार्यक्रममा बनगाड कुपिण्डे नगरपालिकाका नगरप्रमुख कर्ण बहादुर बुढाथोकी, बागचौर नगरपालिकाका नगर प्रमुख जनकराज गौतम , कुमाख गाउँपालिका अध्यक्ष मान बहादुर बुढाथोकी, कपुरकोट गाउँपालिका अध्यक्ष दुर्गा बहादुर पुन, छत्रेस्वरी गाउँपालिका अध्यक्ष ओज बहादुर बुढाथोकी, दार्मा गाउँपालिका अध्यक्ष निम बहादुर केसि , त्रिवणि गाउँपालिकाका कार्यवाहक अध्यक्ष छबिराज शर्मा, बनगाड कुपिण्डे नगरपालिका उप प्रमुख पुरुषोत्तम आचार्य, शारदा नगरपालिका उप प्रमुख सुस्मिता सापकोटा, कुमाख गाउँपालिका उपाध्यक्ष लाल बहादुर रावत, सिद्ध कुमाख गाउँपालिका उपाध्यक्ष राम बहादुर बस्नेत लगायतले शुभकामना मन्तव्य राख्नुभएको थियो । 

यस्तै कुमाख गाउँपालिकाका प्रथम अध्यक्ष दिलमाया बुढामगर, नेपाली कांग्रेस क्षेत्रीय सदस्य इन्द्रराज शर्मा, नेकपा एमालेका सचिवालय सदस्य दिनेश रावत, नेकपा माओवादी केन्द्र जिल्ला सचीव कृति बहादुर राना, राष्ट्रिय स्वतन्त्र पार्टीका जिल्ला सभापति प्रकाश नेपाली, नेकपा एकीकृत समाजवादी जिल्ला सचिव रमेश गौतम, नेकपाका केन्द्रिय सदस्य भिम सि, कुमाख गाउँपालिका २ का वडाअध्यक्ष्य ईश्वरि शाही, नेपाल पत्रकार महासंघ सल्यानका अध्यक्ष डिल्लीराज रावत लगायतले शुभकामना मन्तव्य राख्नुभएको थियो । 

रास्ट्रपति रनिङ शिल्ड प्रतियोगितामा जिल्लाका १० स्थानिय तहका करिब नौ सय जना खेलाडीको उपस्थिती रहेको छ । प्रतियोगितामा छात्रछात्रा भलिवल, कबड्डी लगायतका एथ्लेटिक्स र मार्सल आर्ट तर्फका खेलहरु संचालन हुने जिल्ला खेलकुद समिति सल्यानले जनाएको छ । 

१७ गते सम्म संचालन हुने खेल व्यवस्थापनको लागि ४८ जना रेफ्री सहित एक सय भन्दा बढी स्वयंसेवक परिचालन गरिएको जिल्ला खेलकुद समिति सल्यानका अध्यक्ष खडक आचार्यले जानकारी दिनुभयो ।