रुकुममा पाँच विधामा भएको ब्याडमिन्टन सम्पन्न 

रुकुम पश्चिमको मुसिकोट नगरपालिका –१ मा आयोजित खुला ब्याडमिन्टन प्रतियोगिता सम्पन्न भएको छ । 

जिल्ला ब्याडमिन्टन संघको आयोजनामा गत बुधबारबाट सुरु भएको तेस्रो संस्करणको ब्याडमिन्टन प्रतियोगितामा विभिन्न पाँच विधामा प्रतिश्पर्धा भएको थियो । अल नेपाल खुला पुरुष डबल, कर्णाली प्रदेश पुरुष डबल, रुकुम पश्चिम खुला पुरुष डबल, रुकुम पश्चिम खुला महिला डबल र  १९ वर्ष मुनिको पुरुष एकल गरेर पाँच विधामा आयोजित ब्याडमिन्टन प्रतियोगिता शनिबार सम्पन्न भएको हो । 

संघका जिल्ला अध्यक्ष अनिल बुढाका अनुसार अल नेपाल खुला पुरुष डबल ब्याडमिन्टनतर्फ रुकुम पश्चिमको आठबिसकोट निवासी नवराज मल्ल र मुस्कान केसीको जोडी विजेता बनेको छ । दाङ निवासी हिमांसु कुँवर र विवेक चौधरीको जोडीलाई हराउँदै मल्ल र केसीको जोडी विजेता बन्न सफल भएको हो । 

अध्यक्ष बुढाका अनुसार अल नेपाल खुला पुरुष डबल ब्याडमिन्टनतर्फ विजेता जोडीले जोडीले ५२ हजार नगद र उपविजेता जोडिले ३१ हजार नगदका साथमा ट्रफि, मेडल र प्रमाणपत्र प्राप्त गरेका छन् । 

यस विधामा सान्त्वना स्थान प्राप्त गर्ने दुई जोडीलाई समान ११ हजार पुरस्कारको व्यवस्था गरिएको छ । अध्यक्ष बुढाका अनुसार रुकुम पश्चिम निवासी ईश्वर रावल तथा शिखर केसी र सुर्खेत निवासी खगेन्द्र खत्री र कृष्ण रानाको जोडिले सान्त्वना स्थान हाँसिल गरेका छन् । यस विधामा विभिन्न २४ जोडिले प्रतिश्पर्धा गरेका थिए । 

दुई विधामा नरेन्द्र र हरिको जोडी विजेता

शनिबार भएको फाईनलमा कर्णाली प्रदेश खुला डबल र रुकुम पश्चिम खुला डबल ब्याडमिन्टनको फाइनलमा रुकुमपश्चिमका हरि खत्री र नरेन्द्र ओलीको जोडी विजेता बनेको छ । दुई वटा इभेन्टमा भएको फाइनलमा नवराज मल्ल र मुस्कान केसीको जोडीलाई पराजित गर्दै खत्री र ओलीको जोडी विजेता बनेको हो । दुवै इभेन्टमा यी दुई जोडी नै भिडेका थिए ।

कर्णाली प्रदेश खुला पुरुष डबल ब्याडमिन्टनको विजेता जोडिले ३२ हजार, उप विजेता जोडिले २० हजार नगद पुरस्कार प्राप्त गरेका छन् । कर्णाली खुलामा कविन्द्र पुन र महेन्द्र पुन तथा केहल जिसी र विशाल विष्टको जोडी सान्त्वना भएको । उक्त जोडीले समान ६/६ हजार पुरस्कार पाएको छ । कर्णाली प्रदेश पुरुष डबल ब्याडमिन्टन प्रतियोगितामा ३० टिमले प्रतिश्पर्धा गरिरहेका छन् । 

रुकुम पश्चिम खुलातर्फ विशाल विष्ट र केहल जिसी तथा दीपक बिसी र रुद्र ओलीको जोडी सान्त्वना भएको छ । उक्त जोडीले समान समान ५/५ हजार नगद पुरस्कार प्राप्त गरेका छन् । रुकुम पश्चिम पुरुष डबल खुलामा ३५ टिमले भाग लिएका थिए । 

महिलातर्फ डिला र आशा विजेता

रूकुम पश्चिम जिल्ला स्तरीय महिलातर्फ डिला पुन र आशा केसीको जोडी प्रथम भएको छ । फाइनलमा रिता खत्री र भिमकला मल्लको जोडीलाई पराजित गर्दै पुन र केसीको जोडी वितेजा बनेको हो । महिलातर्फ विजेता जोडीले नगद १५ हजार र उप विजेता जोडिले आठ हजार नगदका साथमा ट्रफि, मेडल र प्रमाणपत्र प्राप्त गरेको छ । 

यस विधामा सुहाना बुढा र साहाना बुढा तथा डम्बरा केसी र डिला परियारको जोडी सान्त्वना भएको छ । उक्त जोडीले समान ३/३ हजार नगद, मेडल र प्रमाणपत्र प्राप्त गरेका छन् । रुकुम पश्चिम खुला महिला डबल विधामा आठ टिमले प्रतिश्पर्धा गरेका थिए । 

१९ वर्ष मुनिको पुरुष एकल विधामा रुकुम पश्चिमकै शिखर केसी विजेता हुनुभएको छ । केसीले मुस्कान केसीलाई पराजित गर्दै विजयी हुुनुभएको आयोजक संघका अध्यक्ष बुढाले जानकारी दिनुभयो । 

यस विधामा विजेताले नगद १५ हजार र उप विजेताले आठ हजारका साथमा ट्रफि, मेडल र प्रमाणपत्र प्राप्त गरेका छन् । एकल तर्फ मुसीकोटका रोहित ओली र सानीभेरीका रामकृष्ण नकाल सान्त्वना हुनुभएको छ । सान्त्वनालाई ३/३ हजार नगद, मेडल र प्रमाणपत्र प्रदान गरिएको छ । एकलतर्फ सात जनाको प्रतिश्पर्धा भएको थियो ।  

रुकुम पश्चिमलाई खेलका माध्यामबाट चिनाउन र पर्यटन प्रवद्र्धन गर्न विभिन्न पाँच विधामा ब्याडमिन्टन प्रतियोगिता आयोजना गरिएको हो ।