राडी र सिमबजारमा अनुगमन, म्याद गुज्रेका सामान नष्ट

रुकुम पश्चिमको आठबिसकोट नगरपालिकाले सोमबार नगरपालिकाको केन्द्रमा रहेका मुख्य बजारमा अनुगमन गरेको छ । 

नगरपालिकाका निमित्त प्रमुख प्रशासकीय अधिकृत राजेश गौतमको नेतृत्वमा रहेको टोलीले चार समुहमा विभाजन भएर वडा नम्वर ११ को सिमबजार र वडा नम्वर ९ को राडी बजारमा अनुगमन गरेको हो । 

निमित्त प्रमुख प्रशासकीय अधिकृत राजेश गौतम, शिक्षा अधिकृत ईन्द्र बहादुर बिष्ट, वास संयोजक नरेन्द्र केसी र कृषि अधिकृत (सातौ) गोपाल कृष्ण शाह नेतृत्वको चार टोलीले बजार अनुगमन गरेको हो । 

नगरपालिकाका उद्योग शाखा प्रमुख त्रिपुरा मल्लका अनुसार व्यवसाय दर्ता तथा नविकरणको अवस्था, मूल्य सूचिको व्यवस्था, नापतौलको पारदर्शिता लगायतका बिषयमा बजार अनुगमन गरिएको हो । अनुगमनको क्रममा मापदण्ड विपरितका व्यवसायहरुलाई प्रक्रिया पुरा गर्न एक हप्ता समय दिईएको छ भने केहि म्याद गुज्रेका सामाग्री बरामद गरेर नष्ट गरिएको छ । 

शाखा प्रमुख मल्लले म्याद गुज्रेका पेय पदार्थहरु कोक, फेन्टाका साथै ब्याईलर कुखुराको दाना, मिठाई, आटा लगायत लगायतका सामाग्री बरामद गरेर नष्ट गरिएको जानकारी दिनुभयो । करिब ५० हजार मूल्य बराबरका सामाग्रीहरु नष्ट गरिएको हो ।  

यसका साथै अवैध रक्सि समेत बराबद गरिएको छ । कानूनी प्रक्रिया पुरा नगरेर विक्रि वितरण गरिएको करिब ३० हजार मूल्य बराबरको रक्सि बरामद गरिएको र प्रक्रिया पुरा गरेमा मात्र फिर्ता दिईने चन्दले उल्लेख गर्नुभयो । 

अगुनमनको क्रममा व्यवसायहरु दर्ता तथा नविकरण नभएको, मुल्य सूचि नराखिएको, नापतौल स्पष्ट नराखिएको लगायतका कैफियत भेटिएको नगरपालिकाले जनाएको छ ।