भूकम्पबाट तीन जिल्लामा भएको क्षति आँकलन गर्न रिम्नामा कार्यालय उद्घाटन

जाजरकोट केन्द्रबिन्दु भएर भूकम्प गएको १६ महिनापछि जाजरकोटको रिम्नामा क्षतिको आँकलनका लागि कार्यालय स्थापना भएको छ । 

आईतबार नेपाल सरकारका गृहमन्त्री रमेश लेखकले जाजरकोटको भेरी नगरपालिका -१ रिम्नामा पुर्ननिर्माण तथा पुर्नस्थापना आयोजना कार्यान्वयन इकाइको कार्यालय उद्घाटन गर्नुभएको हो ।

राष्ट्रिय विपद जोखिम न्युनिकरण तथा व्यवस्थापन प्राधिकरण कार्यालय अन्तर्गत उक्त इकाई स्थापना गरिएको हो । 

यस अवसरमा गृहमन्त्री लेखकले पुनर्निर्माण कार्यले गति पाउने विश्वास व्यक्त गर्नुभयो । उहाँले २०८० कार्तिक १७ गते गएको  भुकम्पबाट जाजरकोट, रुकुम पश्चिम र सल्यान जिल्लामा भएको क्षतिको  बिस्तृत क्षति  आँकलन गर्न र नीजि आवास पुनर्निर्माणका लागि पुर्ननिर्माण तथा पुर्नस्थापना आयोजना कार्यान्वयन इकाइको कार्यालय स्थापना गरिएको जानकारी दिनुभयो । 

भूकम्पबाट प्रभावितहरु लामो समयसम्म अस्थायी टहरामा बस्दै आएका छन् । उनीहरुले दुई हिउँद, बर्षा र गर्मीयाम टहरामा कष्टकर रुपमा बिताएको बताउँदै आएका छन्