लोकतान्त्रिक खेलकुद संघ मुसिकोटको अध्यक्षमा राजु थापा चयन

रुकुम पश्चिम । लोकतान्त्रिक खेलकुद संघ मुसिकोटको अध्यक्षमा राजु थापा चयन हुनुभएको छ । बिहिबार खलङगामा भएको संघको प्रथम नगर अधिवेशनबाट थापाको अध्यक्षतामा ६१ सदस्यीय कार्यसमिति चयन गरिएको छ । 

नेपाली कांग्रेसको भातृ संस्था लोकतान्त्रिक खेलकुद संघको मुसिकोट समिति निर्विरोध चयन भएको नेपाली कांग्रेस मुसिकोटका नगर समितिका सचिव सुर्य प्रकाश शर्माले जानकारी दिनुभयो ।

उहाँका अनुसार नवगठित समितिको उपाध्यक्षमा राम कुमारी पुन र प्रेम कुमार पुन, सचिवमा मनोहर ढकाल, सहसचिव राथी तुलाचन र कोषाध्यक्षमा केशव खड्का चयन हुनुभएको छ ।

कार्यक्रममा नेपाली कांग्रेस रुकुमका जिल्ला सभापति प्रेम प्रकाश ओली, उपसभापति हर्कसिं खत्री, कोषाध्यक्ष मोहबिर खड्का, सहसचिव यज्ञ बिष्ट, जिल्ला सदस्य एवम् लोकतान्त्रिक खेलकुद संघका प्रदेश सदस्य यदु कुमार आचार्य, मुसिकोट नगरसमिति सभापति प्रेम बहादुर ओली, उपसभापति लक्ष्मण शर्मा, सचिव सुर्य प्रकाश शर्मा, नेपाल विद्यार्थी संघका जिल्ला अध्यक्ष हेमराज केसी लगायतको उपस्थिति रहेको थियो ।