सानीभेरीको जङगलमा एक युवकको शव फेला

रुकुम पश्चिमको सानीभेरी गाउँपालिका -१ स्थित जङगलमा एक पुरुषको शव फेला परेको छ । 

स्थानीय भेरी सामुदायिक वन क्षेत्रको भोटकानामा शनिबार बेलुका एक युवाको शव फेला परेको प्रहरीले जनाएको छ । 

जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकका अनुसार सानीभेरी गाउँपालिका वडा नम्वर १ रिठापानी निवासी ३१ वर्षीय दिपक पुनको शव फेला परेको हो । 

भिरदेखि करिब १५० मिटर तल शव फेला परेकोेले भिरबाट लडेर मुत्यु भएको हुनसक्ने प्रहरीको अनुमान रहेको छ । पुन शनिबार बेलुका घरबाट कसैलाई केहि खबर नगरेर हिडेको बताईएको छ । 

मृत अवस्थामा पुरुषको शव फेला परेको भनि वडा अध्यक्ष टेकबहादुर पुनले प्रहरीलाई जानकारी गराएपछि प्रहरी घटनास्थल पुगेको थियो । 

आईतबार पुनको शव पोष्टमार्टमको लागि जिल्ला अस्पताल सल्लेमा ल्याईएको छ । घटनाको अनुसन्धान सुरु गरिएको र पोष्टमार्टम रिपोर्टपछि थप विवरण खुल्ने प्रहरीको भनाई रहेको छ ।