कुलमानलाई कार्यकारी निर्देशकबाट हटाउने सरकारको निर्णय

सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई पदबाट हटाएको छ ।

सोमबार साँझ बसेको मन्त्रिपरिषद् बैठकले घिसिङलाई पदबाट हटाउने निर्णय गरेको हाे । 

यसअघि मन्त्रिपरिषद् बाटै उहाँलाई स्पष्टीकरण सोधिएको थियो । घिसिङले दिनुभएकाे स्पष्टीकरण चित्तबुझ्दो नभएको भन्दै उहाँलाई पदबाट हटाउने निर्णय भएको हो । 

घिसिङ दोस्रो पटक २५ साउन २०७८ मा कार्यकारी निर्देशक नियुक्त हुनुभएकाे थियाे । उहाँकाे  पदावधि आगामी साउनमा सकिँदै थियो ।