नेभिगेशन
घटना/दुर्घटना

आठबिसकोटमा ट्याक्टर दुर्घटना हुँदा चालकको मृत्यु

रुकुम पश्चिमको आठबिसकोट नगरपालिका वडा नम्वर ९ मा ट्याक्टर दुर्घटना हुँदा चालकको मृत्यु भएको छ । 

मंगलबार राती पौने १० बजे वडा नम्वर ९ को गिजामा रा १ त ३८९१ नम्वरको ट्याक्टर दुर्घटनामा परेर त्रिवेणी गाउँपालिका ५ निवासी २० वर्षीय नबिन परियारको मृत्यु भएको प्रहरीले जानकारी दिएको छ । 

जिल्ला प्रहरी कार्यालयका सूचना अधिकारी प्रहरी निरीक्षक ॠषि पाठकका अनुसार वडा नम्वर ९ को राडी बजारबाट वडा नम्वर १० जोड्ने भित्रि सडकखण्डमा सिमेन्ट लिएर जाँदै गरेको ट्याक्टर दुर्घटना भएको हो । दुर्घटनामा गम्भिर घाईते चालक परियारलाई उपचारको लागि आठबिसकोट नगर अस्पताल लिएको बेला चिकित्सकले मृत घोषणा गरेका थिए । 

ट्याक्टरमा चालक मात्र रहेको प्रहरी निरीक्षक पाठकले जनाउनुभयो । ट्याक्टर सडकबाट तीन सय मिटर तल खोल्सामा खसेको बताईएको छ । 

प्रकाशित मिति:
प्रतिक्रिया दिनुहोस्