गोजीबजार जाँदै गरेको फोर्स गाडिको ढोकाबाट खसेर एक यात्रुको मृत्यु

सल्यानमा गुडिरहेको गाडिको ढोकाबाट खसेर एक यात्रुको मृत्यु भएको छ । 

आज (बिहिबार) बेलुका सल्यानको बनगाड कुपिण्डे नगरपालिका -१ बाङगिरामा गुडिरहेको क प्र ०२-००१ ख ०७९० नम्वरको फोर्स गाडिबाट खसेर सुर्खेतको सिम्ता गाउँपालिका ५ बस्ने अन्दाजी २८ बर्षिय गणेश बुढाको मृत्यु भएको प्रहरी चौकी बनगाड सल्यानले जानकारी दिउको छ । 

प्रहरीका अनुसार छिन्चु जाजरकोट सडकखण्ड अन्तरगत नेपालगंज देखि सुर्खेत गोजी बजार जादै गरेको ऊक्त गाडिको ढोकाबाट खसेर बुढा गम्भिर घाईते भएका थिए । घाईते बुढालाई उपचारको लागि मेहेलकुना अस्पताल लिएको बेला चिकित्सकले मृत घोषणा गरेको प्रहरीले जनाएको छ । 

उक्त फोर्स गाडि सुर्खेतको सिम्ता गाउँपालिका ५ बस्ने जीवराज गिरीले चलाएको बताईएको छ । चालक गिरी र गाडिलाई ईलाका प्रहरी कार्यालय देवस्थलले नियन्त्रणमा लिएको प्रहरीले उल्लेख गरेकोछ । प्रहरीले घटनाको थप अनुसन्धान गरिरहेको जनाएको छ ।