सिद्धिबक्स गणलाई नबिल बैंकद्वारा स्वास्थ्य सामाग्री हस्तान्तरण

नबिल बैंक श्रीनगर शाखा सल्यानले नेपाली सेनाको सल्यानस्थित सिद्धिबक्स गणलाई विभिन्न स्वास्थ्य सामाग्री उपलब्ध गराएको छ ।

सेनाद्वारा छत्रेश्वरी गाउँपालिका –२ बुरासेस्थित जनता माध्यमिक विद्यालयमा प्राथमिक स्वास्थ्य परिक्षण कार्यक्रम राखिएको र उक्त कार्यक्रमका लागि आवश्यक औषधि उपचारका सामाग्री नबिल बैंकले उपलब्ध गराएको हो । 

बैंकका प्रबन्धक रबिन केसीका अनुसार सेनालाई विभिन्न १७ थरिका औषधिहरु उपलब्ध गराईएको हो । रोल्पा र सल्यान जिल्लाको सिमाना सेनाले गर्न लागेको उक्त कार्यक्रमबाट त्यसक्षेत्रका ३५० सर्वसाधारण लाभान्वित हुने भएकोले बैंकले स्वास्थ्य सामाग्री ब्यवस्थापन गरेको हो । 

शाखा प्रबन्धक केसीले नेपाली सेना, नागरिक र बैंकर्सहरु बिचमा सुमधुर सम्बन्ध राखेर नागरिकलाई सेवा दिन स्वास्थ्य सामाग्रीहरु हस्तान्तरण गरिएको जानकारी दिनुभयो ।