सडक डिभिजन कार्यालय पाटन बैतडी मार्फत निर्माण भईरहेका सडकहरु पूर्वाधार विकास कार्यालयलाई हस्तान्तरण गरिएको छ ।

प्रादेशिक सडकहरु प्रदेश सरकारले निर्माण गर्ने भएपछि बैतडीको पाटन ÷पञ्चेश्वर सडक, सिल्लेगडा,कटौजपानी, देथला सडक र दार्चुलाको पारीबगड खण्डेश्वरी सडक पूर्वाधार विकास कार्यालय मातहत आएका हुन् ।

यसअघि संघीय सरकारले निर्माण गरिरहेका ती सडकहरु प्रदेश सरकार मातहत आएपछि साउन यता काम हुन सकेको छैन् । केही दिन अघि मात्रै पूर्वाधार विकास कार्यालयलाई सडक हस्तान्तरण भएकाले अब काम थालिने पूर्वाधार विकास कार्यालयका प्रमुख सिनियर डिभिजनल इन्जिनियर जगतप्रसाद जोशीले जानकारी दिए ।