कुमाखमा विल्डिङ इलेक्ट्रिसियन तालिम सुरु

सल्यानको कुमाख गाउँपालिका वडा नम्वर ३ को रागेचौरमा विल्डिङ इलेक्ट्रिसियन तह १ को तालिम सुरु भएको छ । 

सहिद यज्ञश्वर स्मृति बहुप्राविधिक शिक्षालय चौरजहारीको आयोजनामा बिहिबार एक कार्यक्रमका बिच तालिम सुरु गरिएको हो  । कुमाख गाउपालिका रोजगार सेवा केन्द्रमा कार्यरत शंकर बिकले तालिमको उद्घाटन गर्नुभएको हो । 

तालिम ३९० घण्टा अर्थात ६५ दिनको अवधिको रहेको शिक्षालयका लेखापाल यज्ञश्वर शर्माले जानकारी दिनुभयो । तालिममा २० जनाको सहभागिता रहेको छ । सिटिइभिटीको नियमित कार्यक्रम अनुसार उक्त तालिम सञ्चालन गरिएको हो । 

तालिमपश्चात सिटिईभिटी एनएसटीडिबाट सीप परिक्षणको परीक्षा लिईने बताइएको छ । परीक्षामा उतिर्ण हुनेले मात्र प्रमाणपत्र पाउने लेखापाल शर्माले जानकारी दिनुभयो । प्रमाणपत्र पाउनेले मात्र तह २ को तालिमका लागि योग्य हुने बताईएको छ । 

तालिम उद्घाटन सत्रमा शिक्षालयका बिरबहादुर बिष्ट, कुमाख गाउँपालिका रोजगार सेवा केन्द्रका शंकर बिक, शारदा नगरपालिका वडा नम्वर १४ का वडा अध्यक्ष लोकमान बुढाथोकी लगायतको आतिथ्यता रहेको थियो ।