सोसल मिडिया
रुकुम पश्चिम / जिल्ला प्रशासन कार्यालय रुकुम पश्चिममा एक साता यता सेवाग्राहिको अत्याधिक चाप बढेको छ । नागरिकता बनाउन, प्रतिलिपी निकाल्न, राहदानीको सिफारिस लिन र अन्य सेवाको लागि आउँने सेवाग्राहिको चाप रहेको जिल्ला प्रशासन कार्यालय रुकुम पश्चिमले जनाएको छ ।
सेवाग्राहिहरु बिहानै देखि जिल्लाका प्रशासन कार्यालयको गेटमा लाईन लागेका छन् । जिल्ला प्रशासन कार्यालय रुकुम पश्चिमका सहायक प्रमुख जिल्ला अधिकारी प्रमेश सिवाका अनुसार एक साता यता दैनिक करिब दुई सय सेवाग्राहिको काम भैरहेको छ ।
उहाँका अनुसार केहि बर्ष यता प्रशासन कार्यालयमा यस्तो सेवाग्राहिको भिडभाड भएको थिएन । कर्मचारीहरुले कार्यालय सम्म भन्दा पहिला र बेलुका ६ बजेसम्म बसेर काम गर्नुपरेको उहाँको भनाई छ ।
जिल्ला प्रशासन कार्यालय नागरिकता शाखाका अनुसार एक साता यता दैनिक करिब ९० नयाँ नागरिकता र करिब ४० ओटा नागरिकताको प्रतिलिपी लिन आउनेहरुको तथ्यांक छ । त्यसैगरी राहदानीको लागि दैनिक ६५ जनाको सिफारिस हुने गरेको कार्यालयले जनाएको छ । नावालक सिफारिस लिन आउनेहरुको संख्या समेत बढि रहेको छ ।
चाडपर्व तथा मेलाको अवसर पारेर जिल्ला बाहिरबाट आएका र जिल्लामा रहेका समेत सर्वसाधारणहरु सेवा लिन आउने गरेकोले भिडभाड बढेको बताईन्छ ।
सर्वसाधारणहरुले नागरिकता बनाउन, राहहदानीको सिफारिस लिन दुई दिन सम्म लागेकाे गुनासो गरेका छन् ।
