सोसल मिडिया
गजल
सरकारले दिएको यत्ति मात्रै निशानी रहेछ
एउटा नागरिकता र अर्को राहदानी रहेछ ।
बाँच्नकै लागि भए पनि ईमान छोड्नु पर्यो
आफ्नो त भाग्य जन्मजातै बेइमानी रहेछ ।
पुर्खौ देखि नै खनिरहेको केही फाँट थियो
नाँपेर हेर्दा आज त्यही पनि ऐलानी रहेछ ।
कोही मर्छन् यहाँ भोकले कनिका नपाएर
कोहीकाे भने त्यो चन्द्रमासम्म लगानी रहेछ ।
खुसी थिए म अघी हजुरको स्वागत सम्झेर
पछि थाह भयो त्यो गरेको त सुनपानी रहेछ ।
- जि.एम. दिपु देपेन्द्र
चौरजहारी न.पा. ११, रुकुम पश्चिम
