सोसल मिडिया
सल्यान / सल्यानको बनगाड कुपिण्डे नगरपालिकामा फोटो सहितको मतदाता नामावली संकलन कार्य मंसिर १७ गते शुक्रबार देखी सुरु हुने भएको छ ।
बनगाड कुपिण्डे नगरपालिका क्षेत्र भित्र बसोबास गर्ने नागरिकहरुका लागी मंसिर १७ गते देखी पौष २ गते सम्म लागी १२ वटै वडाहरुमा १० दिन सम्म नगरपालिकामा नामावली संकलन गरिने बताईएको छ ।
मतदाता नामालवी संकलन कार्य मंसिर १७ र १८ गते वडा नम्वर १,२, ३, मंसिर १९ र २० गते वडा नम्वर ४,५,६ मंसिर २१ र २२ गते वडा नम्वर ७,८,९ मंसिर २३ र २४ गते वडा नम्वर १०,११,१२ र मंसिर २५ र २६ गते नगरपालिका सबै छुटपुटको नामावली संकलन गरिने नगरपालिकाले जानकारी दिएको छ ।
मतदाता नामालवी संकलनका लागी नेपाली नागरिकताको प्रमाण पत्र, विवाहित महिलाको हकमा विवाह दर्ताको प्रमाणपत्र र बसाई सराई सरि आएको भए बसाईसराई दर्ताको प्रमाणपत्र लिएर मतदाता नामावली संकलन कार्य स्थलमा आउनु पर्ने मतदाता नामाली निर्वाच हरि बहादुर शाहीले जानकारी दिनुभयो ।
