सोसल मिडिया
प्रमुख प्रतिपक्षी नेपाली काँग्रेसले सिके राउतसँग सरकारले गरेको सहमतिमा प्रश्न उठाएको छ । सहमतिमा आशंका व्यक्त गर्दै काँग्रेसले सदनमा बिरोध गरेको छ ।
प्रतिनिधिसभाको आजको बैठकमा काँग्रेस नेता मिनेन्द्र रिजालले सिके राउतसँग भएको सहमतिको बुँदा नम्बर दुईका विषयमा प्रष्ट पार्न सरकारसँग माग गरे ।
अर्का नेता गगन थापाले सहमतीका बारेमा सदनमा जानकारी गराउँदै यस विषयमा संसदमा छलफलको वातावरण बनाउनुपर्नेमा जोड दिए ।
प्रतिनीधिसभाको बैठकमा प्रतिपक्षीमात्र नभई सत्तारुढ नेपाल कम्यूष्टि पार्टी नेकपाका नेता भीम रावलले समेत सम्झौतामा प्रयोग गरिएका शब्दहरु नेपालको संविधान अनुकुल नरहेको दोहोर्याउँदै सहमतीमा भएका त्रुटीहरु सच्याउन सरकारलाई सुुझाव दिए ।
सदनमा जवाफ दिदैं गृहमन्त्री रामबहादुर थापा बादलले जनमत संग्रह गर्ने भन्ने कुरा गलत भएको बताए । उनले राउतसंगको सहमतिमा जनमत संग्रह गर्ने कहि कतै उल्लेख नभएको प्रष्ट पारे ।
