सभामुख कृष्णबहादुर महराले टीकापुर घटना छानबिन गर्न गठित आयोगको प्रतिवेदन सार्वजनिक नहुनुको कारण संसदलाई जानकारी गराउन सरकारलाई रुलिङ गरेका छन् ।

प्रतिनिधिसभाको आईतबारको बैठकमा राष्ट्रिय जनता पार्टी नेपालले आयोगको प्रतिवेदन सार्वजनिक गर्न माग गर्दै अवरोध गरेपछि सभामुख महराले सरकारलाई जवाफ दिन निर्देशन दिएका हुन् ।

बैठकमा राजपा अध्यक्ष मण्डलका संयोजक महेन्द्र राय यादवले सरकारले आफ्नो कमजोरी सार्वजनिक हुने डरले सर्वोच्च अदालतका पूर्वन्यायाधीश गिरिशचन्द्र लालको नेतृत्वमा गठित आयोगको प्रतिवेदन सार्वजनिक नगरेको आरोप लगाए ।