'प्रभाकर' र 'अनन्त'लाई गुटको मात्र नेता बनाउने प्रयत्न बन्द गरौं

नेतृत्वसँग आँखा जुझाएर भन्छु, 'महासचिवमा प्रभाकर नै आजको आवश्यकता हो'

२०७८ पुस १६

नारायण खनाल

नेकपा माओवादी केन्द्रकाे आठौं राष्ट्रिय महाधिवेशन हुदै गर्दा हामी कार्यकर्ताहरूले एउटा न्यास्रो अनुभुती गरिरहेका छौँ । त्यो हो क. अनन्त को अनुपस्थिती । दुर्लभ जन्डिसबाट पीडित उहाँ चिनमा उपचाररत हुनुहुन्छ उहाँको सिघ्र स्वास्थ्य लाभको कामना गर्न चाहन्छु । पार्टी महासचिव प्रभाकर कि अनन्त वा तेस्रो भनेर गरेका बहस अस्वस्थ त भएन ? नेतृत्वको सन्दर्भमा मैले गरेको अनुभुती, तथ्य, बर्तमान अबस्था र सुझाव राख्न चाहान्छु ।

१. क. जनार्दन शर्मा "प्रभाकर" त्यस्तो कुशल कमान्डर हो जसले खारा देखि गण्डक सम्म हारिरहेको माओवादी लाई पिलि बाट जुरुक्क उठाए र रणनीतिक प्रत्याक्रमण सार्थकता साबित गरे ।

२. क. बर्षमान पुन "अनन्त" त्यस्तो निडर कमान्डर हो जब ढाडमा टेकेर टाउकोमा हान्ने योजना अन्तर्गत अध्यक्ष क.प्रचण्ड बिप्लब लाई उपत्यका बिशेष क्षेत्रको इन्चार्ज बनाउन खोज्नुभयो उनी डराए । उपत्यका क्षेत्रमा काम गर्ने थुप्रै नेता कार्यकर्ता पक्राउ परेको या त सहिद भएको अवस्था र विप्लव ले समेत जिम्मेवारी लिन डराएको अवस्थामा उपत्यकामा म जान्छु भनेर जिम्मेवारी लिने कमान्डर हुन अनन्त ।

३. "प्रभाकर " त्यस्तो कुशल र सफल नेतृत्व हो जसले माओवादी कहिले एमालेतिर कहिले कंग्रेस तिर भनेर बिरोधिहरुले धावा बोलिरहेका र हामीलाई जवाफ दिन अप्ठ्यारो परिरहेको बेला १२-१८ घन्टा लोडसेडिङ हटएर उज्यालो नेपाल निर्माण गर्न सफल, जुन कुनै चमत्कार भन्दा कम छैन ।

४. माओवादी प्रति अति पुर्बाग्रही के.पि. को मन्त्रीमण्डल मा रहेर के. पि कै मुल्यांकनमा पनि कार्यदक्षतामा अब्बल हुन सफल मन्त्री हो बर्षमान पुन (निस्पक्ष मुल्यांकन भएको भए उहाँ पहिलो नै हो) ।

५. जनार्दन शर्मा त्यस्तो संगठक हो जब सारा बिरोधिहरु माओवादी सँग कति नै भोट छ र भनेर निम्छरोमा पार्न खोजेको बेला र हाम्रो पार्टी आफै पनि स्पष्ट हुन नसकिरहेको बेला संगठन बिभागको जिम्मेवारी लिए र पार्टीमा झन्डै ८ लाख पार्टी सदस्यता भएको औपचारिक रेकर्ड तयार गर्दै सिंगो पार्टीमा नयाँ रक्तसञ्चार भरे र बिरोधिहरुमा अहिले त्यही कारण भुइँचालो गएको छ ।

६. रुकुममा पार्टीलाई क्लिन सीप जित दिलाउने र रोल्पामा १० मा ७ जिताउन सफल नेताहरू हुन प्रभाकर र अनन्त ।

७. समग्र कम्युनिस्ट आन्दोलनमा प्रभाकर सिनियर हुन भने माओवादी पार्टीको पछिल्लो अधिवेशनबाट दिइएको जिम्मेवारीमा अनन्त सिनियर हुन ।

८. कुटनीती र शब्द छनौटमा क.अनन्त लाई अब्बल मानिन्छ भने नतिजामुखी काममा क. प्रभाकर लाई ।

९. कार्यकर्ता ब्यबस्थापनमा अनन्त अब्बल मानिन्छन् भने जनताको बिचमा सबैभन्दा लोकप्रिय नेता प्रभाकर मानिन्छन् ।

१०. दुबैजनाले जनयुद्ध हुँदै शान्ति प्रक्रिया र हालसम्मका सबै घुम्ती मोडहरुमा पार्टी हेडक्वाटरलाई साथ, सहयोग र रक्षा गर्दै आउनुभएको छ ।

क. प्रभाकर वा क. अनन्त लाई एउटा गुटको मात्र नेता बनाउने प्रयत्नमा तानातान गर्ने प्रयत्न बन्द गरौं । प्रभाकर र अनन्त लाई एक अर्काको निषेधको रुपमा होईन परिपुरकको रुपमा मुल नेतृत्वको रुपमा बिस्तारै बिकास गर्न हाम्रो पनि भुमिका हुन्छ होईन र ? त्यसैले पार्टी लाई पार्टी भित्रनै भिडाउने होइन बिरोधिहरु सँग भिड्न सक्ने बनाउन यी दुईमध्ये एउटा लाई महासचिव बनाउन उपयुक्त हुन्छ ।

निकट भबिस्यमै हामीले तिनै तहको चुनाव फेस गर्नुछ त्यसकारण हामीलाई नतिजामुखी काम गर्न सक्ने मासबेस लोकप्रिय महासचिव चाहिएको छ, अनन्त कमरेडको स्वास्थ्यको अझै केही समय उपचारको आवश्यकता पनि देखिन्छ ।

त्यसैले उपाध्यक्षको जिम्मेवारीमा क. अनन्त सहित का कमरेडहरु र महासचिवको जिम्मेवारीमा क. जनार्दन शर्मा प्रभाकर नै आजको आवश्यकता हो । सायद क. अनन्त लाई प्रस्ताव गर्न भने पनि यहि भन्नुहुन्छ जस्तो लाग्छ । यो कुरा म क. अनन्त सहित महासचिवका दाबेदार नेतृत्वहरु सँग आँखामा आँखा जुझाएर भन्न सक्छु ।

मेरो यो सुझाव किन्चित पनि पक्षधरताको आँखाबाट निर्देशित छैन र समग्र पार्टीको मामलामा म त्यसरी कहिले पनि सोच्दिन, जुन कुरा महिले मेरो संगठनात्मक जिम्मेवारी प्राप्त गरेको ठाँउबाट पटकपटक प्रमाणित पनि गरेको छु ।

कमरेडहरु हामी सबैले गुट भन्दा माथी उठेर नेतृत्व र कार्यकर्ताको मुल्यांकन गरौं पार्टीको आठौं राष्ट्रिय महाधिवेशन ले पनि यहि विधि अबलम्बन गरि नेतृत्व छनोट गर्नेछ र सिँगो पार्टी पंक्तिमा उत्साह र रक्तसञ्चार भर्नेछ ।

- (लेखक खनाल अखिल क्रान्तिकारीको निवर्तमान केन्द्रीय सचिव हुनुहुन्छ )

प्रकाशित मिति: शुक्रबार, पुस १६, २०७८ १५:१२