सरकारले न्युनतम एक सय दिने रोजगारी कार्यक्रममा सहभागी हुन चाहनेहरुसँग आवेदन माग गरेको छ । रोजगारीको हकसम्बन्धी अधिकार कार्यन्वयनका लागि बेरोजगारहरुसँग आवेदन माग गरिएको हो ।

प्रधानमन्त्री रोजगार कार्यक्रमअन्तर्गत आगामी आर्थिक वर्ष २०७६÷७७ को लागि रोजगारी दिन श्रम, रोजगार तथा सामाजिक सुरक्षा मन्त्रालयअन्तर्गतको ‘प्रधानमन्त्री रोजगार कार्यक्रम’ले सार्वजनिक सूचना आह्वान गरेको हो ।

सरकारले चालु आर्थिक वर्षमै प्रधानमन्त्री रोजगार कार्यक्रम अन्तर्गत रोजगारी दिनेगरी बजेट विनीयोजन गरे पनि निवेदन भने आगामी आर्थिक वर्षका लागि माग गरिएको छ ।

प्रधानमन्त्री रोजगारी कार्यक्रम अन्तर्गत सार्वजनिक सेवामा कम्तीमा एकसय दिन रोजगारीको लागि इच्छुक बरोजगार व्यक्तिले चैत महिनाभित्र निवेदन दिनु पर्नेछ । स्थानीय तहको वडा कार्यलयमा निवेदन दिएपछि प्रधानमन्त्री रोजगार कार्यक्रमका लागि प्रकियामा जानेछ ।