रुकुम पश्चिम स्थित अस्थायी ट्राफिक प्रहरी पोष्ट झुल्नेटामा कार्यरत ३७ वर्षका प्रहरी हवल्दार रामजी खत्रीको निधन भएको छ ।

मुसीकोट नगरपालिका वडा नं २ राउखेत निवासी खत्रि पुस २३ गते डिउटीमा रहेको बेला एक्कासी पेट दुखेपछि उहाँ बिरामी पर्नुभएको थियो । प्रहरी हवल्दार खत्रीलाई सोहि बेला नै उपचारका लागि नेपालगञ्ज मेडिकल कलेज लगिएको थियो ।

एक जना प्रहरी जवानको साथमा परिवारसँगै तत्काल राति नै उपचारका लागि नेपालञ्ज पु¥याएको तर आज आईतबार बिहान निधन भएको जिल्ला प्रहरी कार्यालयका प्रहरी निरिक्षक डेकेन्द्र शर्माले जानकारी दिनुभयो ।

उहाँ अस्थायी ट्राफिक प्रहरी पोष्ट झुल्नेटाका इन्चार्ज समेत हुनुहुन्थ्यो ।