रुकुमपूर्व अस्पतालबाट स्वास्थ्य बिमा सेवासँगै रेबिज भ्याक्सिन र सुरक्षित गर्भपतन सेवा सुरु

२०७८ पुस २९

रुकुमपूर्व अस्पतालबाट स्वास्थ्य बिमा सेवासँगै सुरक्षित गर्भपतन र रेबिज विरुद्धको भ्याक्सिन सेवा प्रवासुरु भएको छ । रुकुमपूर्व अस्पतालबाट थप नयाँ तीन सेवा दिन थालिएपछि आज विधिवत रूपमा सेवा प्रवाहको उद््घाटन गरिएको हो ।

रुकुमपूर्व अस्पतालबाट पहिलो पटक नयाँ थप तीन सेवा प्रवाह गरिएको छ । स्वास्थ्य बिमा सेवा, १० हप्ता सम्मको सुरक्षित गर्भपतन र रेबिज विरुद्धको भ्याक्सिन सेवा प्रवाह गरिएको हो ।

अस्पताल व्यवस्थापन समितिका अध्यक्ष फत्तेकुमारी ओली, सिस्ने गाउँपालिकाका अध्यक्ष कुमारी बराल र प्रमुख जिल्ला अधिकारी लक्ष्मीप्रसाद बाँस्कोटाले संयुक्त रूपमा अस्पतालले थप गरेको नयाँ सेवा प्रवाहको उद्घाटन गर्नु भएको हो ।

अस्पताल स्थापना भएको दुई वर्षपछि स्वास्थ्य बिमा, सुरक्षित गर्भपतन र रेबिज विरुद्धको भ्याक्सिन सेवा प्रवाहले थप नागरिकको स्वास्थ्य उपचारमा सहज भएको सिस्ने गाउँपालिकाका अध्यक्ष कुमारी बरालले बताउनुभयो ।

सेवा दिन सुरु गरिएसँगै आम नागरिकलाई सेवा अवस्थाबारे बुझाउन पनि उत्तिकै आवश्यक रहेको अध्यक्ष बरालले बताउनुभयो । जिल्लामै स्वास्थ्य बिमा सेवा प्रवाहले मुख्य रूपमा सामान्य घरपरिवारका व्यक्तिलाई स्वास्थ्य उपचारमा राहत मिल्ने अध्यक्ष बरालको भनाइ रहेको छ ।

अब जिल्लाबासीका सबै घर परिवारले स्वास्थ्य बिमा गरी नेपाल सरकारको स्वास्थ्य बिमा बोर्डले उल्लेख गरे अनुसारको स्वास्थ्य उपचार सेवा लिन आम नागरिकलाई अध्यक्ष बरालले अनुरोध समेत गर्नु भएको छ ।

नयाँ सेवा प्रवाहलाई अस्पतालमा कार्यरत स्वास्थ्यकर्मीले तदनुरूप भएर नागरिकलाई सेवा दिनु हुने अस्पताल व्यवस्थापन समितिका अध्यक्ष फत्तेकुमारी ओलीले बताउनुभयो ।

स्वास्थ्य जस्तो संवेदनशील सेवा प्रवाहमा अस्पताल परिवारले कुनै पनि कन्जुस्याइँ नगरी सेवा दिने अस्पताल व्यवस्थापन समितिका अध्यक्ष ओलीको भनाइ रहेको छ । ५ सदस्य रहेको एक घरपरिवारले एक वर्षअवधिका लागि ३ हजार ५ सय रुपैयाँको बिमा गरे वापतको एक लाख रुपैयाँ बराबरको स्वास्थ्य उपचार गर्न पाउने छन् ।

यसैगरी ५ सदस्यीय भन्दा धेरै सदस्य रहेको घर परिवारले प्रति व्यक्ति ७ सय रुपैयाँका दरमा बिमा गर्ने र एक लाख रुपैयाँसँगै थप प्रति व्यक्ति २० हजार रुपैयाँका दरमा स्वास्थ्य उपचार पाउने स्वास्थ्य बिमा दर्ता अधिकृत सपना पुन विष्टले जानकारी दिनुभयो ।

रुकुमपूर्व अस्पतालका प्रमुख डाक्टर गणेश चौधरीको अध्यक्षतामा उद्घाटन कार्यक्रम गरिएको थियो ।

रुकुमपूर्व अस्पताल व्यवस्थापन समितिका अध्यक्ष ओलीको प्रमुख आतिथ्यता रहेको थियो । सिस्ने गाउँपालिकाका अध्यक्ष बराल र प्रमुख जिल्ला अधिकारी लक्ष्मीप्रसाद बाँस्कोटाको विशेष आतिथ्यता रहेकोमा अन्य विभिन्न व्यक्तित्वहरुको उपस्थिति रहेकोमा कार्यक्रमको सञ्चालन स्वास्थ्य कार्यालय रुकुमपूर्वका सूचना अधिकारी निमप्रसाद गिरीले गर्नु भएको थियो ।

प्रकाशित मिति: बुधबार, पुस २८, २०७८ १२:०१

प्रतिक्रिया दिनुहोस्

लोकप्रिय

थप समाचार

रुकुमपूर्व अस्पतालबाट स्वास्थ्य बिमा सेवासँगै रेबिज भ्याक्सिन र सुरक्षित गर्भपतन सेवा सुरु

चर्किएकै भवनमा जोखिम मोलेर पढाई, खुला चौरमा परीक्षा

हुलाक कार्यालयका प्रमुखका बाबुछोराको बालकोटमा हत्या, जेठा छोरा सम्पर्कविहिन

अमरसिद्ध नमुना मावि पचभैयामा कम्प्युटर ल्याब स्थापना

रुकुम पूर्वका उत्कृष्ट किशोरकिशोरीमैत्री सूचना केन्द्र पुरस्कृत

मूलबाटो मिडिया प्रा.लि.द्वारा सञ्चालित

पेज