सोसल मिडिया
बेलायत युरोपेली संघ इयुबाट बाहिरिने प्रकृया ब्रेक्जिटका लागि प्रधानमन्त्री थेरेसा मेएको प्रस्तावमाथि बेलायती संसदमा मतदान हुंदैछ ।
बेलायतको स्थानीय समय अनुसार संसदमा पूर्ण कार्यदिनको बहसपछि प्रधानमन्त्री मेएको प्रस्तावमाथि मतदान हुनेछ ।
प्रधानमन्त्री मेले इयूसँग दुई वर्ष लगाएर गरेको छलफलपछि तयार पारेको मस्यौदा सम्झौतामाथि सांसदहरूले मतदान गर्न लागेका हुन् ।
आफ्नो प्रस्तावमा मतदान हुने समय नजिकिएपछि प्रधानमन्त्री मेए संसदतर्फ लाग्नुभएको छ । सांसदहरूले प्रधानमन्त्री मेको प्रस्तावमा सहमति जनाए बेलायत यही मार्च २९ तारिखमा इयुबाट बाहिरिने छ ।
तर मे को प्रस्ताव असफल भए बेलायत कुनै सम्झौता विना नै इयुबाट बाहिरिने छ तर यो प्रकृया टुँगोमा पुग्न अझ केही समय लाग्ने बिबिसीले जनाएको छ ।
प्रधानमन्त्री मे को ईयूबाट बेलायतको बहिर्गमन सम्झौतालाई अधिकांश सांसदहरुले यसअघिनै अस्वीकार गरिसकेका छन् ।
