सोसल मिडिया
नेपालगञ्ज / कोरोना संक्रमणको कारण रुकुम पश्चिमका एक पुरुषको नेपालगञ्जमा निधन भएको छ । जिल्लाको आठबीसकोट नगरपालिका वडा नम्बर ६ का ६५ वर्षीय कोरोना सक्रमित पुरुषको बाँकेको भेरी अस्पतालमा उपचारको क्रममा आज मृत्यु भएको हो ।
जिल्ला कोभिड व्यवस्थापन केन्द्र, बाँकेका फोकल पर्सन तेजबहादुर वलीका अनुसार माघ १५ गते भेरी अस्पतालमा पीसीआर गरिएका उहाँँलाई १६ गते कोभिड वार्डमा भर्ना गरिएको थियो । कोभिड विरुद्धको कुनै पनि खोप नलगाएका कारण उहाँको अवस्था गम्भीर भएको अस्पतालको भनाई छ ।
पछिल्लो समय सिकिस्त हुने तथा मृत्यु हुनेमा अधिकांश कोरोनाको कुनैपनि खोप नलगाएका संक्रमितहरु बढी रहेको बताईएको छ ।
जिल्ला कोभिड व्यवस्थापन समिति बाँकेकाअनुसार अहिलेसम्म बाँकेमा उपचाररत बाहिरी जिल्लाका ४ सय ४१ जना कोरोना संक्रमितको मृत्यु भएको छ । बाँकेका स्थानीय वासिन्दामध्ये ३ सय ४६ जनाको कोभिडबाट मृत्यु भएको अस्पतालले जनाएको छ ।
