सोसल मिडिया
काठमाडौं / सरकारले २०७९ जेठ ४ गते स्थानीय तहको निर्वाचन गर्ने तयारी गरेको छ।
आज बालुवाटारमा निर्वाचन आयोगका पदाधिकारीहरूसँगको छलफलमा प्रधानमन्त्री शेरबहादुर देउवाले स्थानीय तहको चुनाव यही जेठ ४ मा गर्ने भएकोले तयारी थाल्न आग्रह गर्नुभएको छ ।
जेठ ४ मा स्थानीय चुनाव गर्ने भनेर सरकार र निर्वाचन आयोग बिच आज छलफल भएको थियो । प्रधानमन्त्री देउवाले अब बस्ने मन्त्रिपरिषद बैठकबाट स्थानीय तह निर्वाचनको मिति तोक्ने बताउनुभएको छ ।
आयोगसँगको छलफलका क्रममा प्रधानमन्त्री देउवाले राम्रोसँग निर्वाचन तयारी गर्न आयोगलाई भन्नुभएको छ भने अब बस्ने क्याबिनेटबाट चुनाव मिति तोक्ने बताउनुभएको छ ।
प्रधानमन्त्री देउवाले एकै चरणमा निर्वाचन गर्ने पनि बताउनुभएको थियो । ०७४ सालमा वैशाख, असार र असोजमा गरी तीन तहमा स्थानीय चुनाव भएको थियो।
