सोसल मिडिया
काठमाण्डाै / गए रातिदेखि निरन्तर परेकाे पानीकाे कारण उच्च पहाडी र हिमाली क्षेत्रमा हिमपात भएको छ ।
बिहिबारबाट मौसममा आएको बदलीको कारण चिसो बढेको छ । हिमपात र वर्षाका कारण चिसो बढेपछि किसानहरु खुशि भएका छन् । आकाशे पानीको भरमा खेतिपाती गर्ने किसानहरु हिमपात र वर्षाले राहात भएको बताउछन् ।
काठमाण्डौमा पनि गएराति मेघगर्जन र चट्याङ्गसहित पानी परेको छ । बिहानीपख आकाश खुलेर एकछिन घाम लागे पनि फेरि आकाशमा डम्म बादल लागेको छ । मौसमविद् राजु प्रधानाङ्गका अनुसार आज दिनभर काठमाण्डौ उपत्यका र देशका धेरै ठाउँमा पानी पर्ने र रोकिने क्रम चलिरहनेछ ।
भोलिदेखि पश्चिमी क्षेत्रबाट मौसममा सुधार हुन थाल्ने उहाँको भनाइ छ । पर्सि आइतवारदेखि मात्रै मौसममा सुधार आउने मौसमविद् प्रधानाङ्गले जानकारी दिनुभयो।
तस्बिर : माैसम पूर्वानुमान महाशाखा
