सोसल मिडिया
रुकुम पश्चिम / आठबिसकोट नगरपालिका वडा नम्वर ५ थापागाउँमा खानेपानीको चरम अभाव भएको छ । पानी ल्याउनका लागि नयाँ धाराहरु बनेको करिब ५ बर्ष बितिसक्दा समेत धारोमा पानी आएको छैन ।
करिव ९० घर धुरी रहेको उक्त गाउँमा पुरानो ३ वटा धारा भएपनि त्यो धाराको पानी अपुग भएको छ । पुरानो धाराको पानी अपुग भएको बर्षाै हुँदा समेत नयाँ धारामा पानी आउँदैन ।
सरोकारवाला निकायको ध्यान यसतर्फ नपुग्दा स्थानीयवासी भने कुवा र खोलाको पानी खान बाध्य भएका छन । स्थानीयवासीहरुले गाईभैसीलाई पानी खुवाउन समेत खोलाबाट बोक्नुपरेको गुनासो गर्छन ।
बर्षा र हिमपातको समयमा गाउँलेहरुको आफ्नो ज्यान जोखिममा राखेर मानिसका लागि र जनावरको लागी खानेपानी घर सम्म पुर्याउन खोला र कुवा जानुपर्ने बाध्यता रहेकाे छ।
गाउँमा खानेपानीको चरम अभाव हुदाँ स्थानीय सरकारले वास्ता नगरेको स्थानीयहरुको गुनासो रहेको छ ।
