सोसल मिडिया
रुकुम पश्चिम / मध्यपहाडि लोकमार्गको रुकुम पश्चिम खण्डमा ठुलो पहिरो आएको छ ।
मुसिकोट नगरपालिका वडा नम्वर ३ को खरखरेमा शुक्रबार राती सुख्खा पहिरो आएको सोही वडाका वडा अध्यक्ष भिमबहादुर खड्काले जानकारी दिनुभयो ।
वडा अध्यक्ष खड्काका अनुसार राती १२ बजे ठुलो पहिरो आएकोले सवारी साधन आवागमनमा अवरोध गएको छ । पहिरो पन्छाउन करिब हप्ता दिन बढी लाग्ने उहाँको अनुमान छ ।
अझै पहिरो खस्न सक्ने अवस्था रहेकोले पहिरो पन्छाउन सुरु गरिएको भने छैन ।
सवारी साधन सुचारु गर्नको लागि बैकल्पिक रुपमा पिपलनेटा - धैरेनीचौर - माछिमीको बाटो सुचारु भएको वडा अध्यक्ष खड्काले बताउनुभयो ।
