सोसल मिडिया
रुकुम पश्चिम / आज दिउँसो जिल्लाको आठबिसकोटमा भएको हतियार आक्रमणमा परेर घाईते भएका रुकुम पश्चिमको आठबिसकोट नगरपालिका वडा नम्बर ९ का रवि चन्दलाई उपचारको लागि सुर्खेत लगिएको छ ।
दिउँसो गोबिन्द शाही लगायतले आठबिसकोटको राडी बजारमा चन्द माथी खुकरी र हथौडा प्रहार गरेपछि चन्दको टाउकोमा गम्भिर चोट लागेको प्रहरीले जनाएको छ ।
स्थानीय नगर अस्पतालमा सामान्य उपचार पश्चात घाईते चन्दलाई नेपाली सेनाको हेलिकोप्टर मार्फत थप उपचारका लागि सुर्खेत लगिएको जिल्ला प्रहरी कार्यालय रुकुम पश्चिमका निमित्त कार्यालय प्रमुख प्रहरी निरीक्षक डेकेन्द्र शर्माले जानकारी दिनुभयो ।
चन्दमाथी हतियार प्रहार गर्ने शाही सहितका केहि व्यक्ति फरार रहेका छन् । घटनाको कारण भने अझै खुलेको छैन । घटनाबारे अनुसन्धान भइरहेको र आक्रमणकारीको खोजी गरिएको प्रहरीको भनाई छ ।
