सोसल मिडिया
काठमाडौं / गैरआवासीय नेपाली संघ (एनआरएनए) का उपाध्यक्ष डा.बद्री केसीले युक्रेनमा रहेका नेपालीहरुलाई तत्काल उद्धारको पहल गर्न नेपाल सरकार समक्ष आग्रह गर्नुभएको छ । डा.केसीले बिहीबार एक विज्ञप्ति जारी गर्दै त्यहाँ रहेका ४०० जना नेपालको उद्धारको पहलको लागि आग्रह गर्नुभएको हो ।
रसिया र युक्रेनबीचको द्वन्द्वमा त्यहाँ रहेका नेपालीहरु त्रसित छन् । सैनिक अड्डाहरुमा मात्र आधुनिक क्षेप्यास्त्रले हमला गरिएकोले सर्वसाधारणको जीवनमा खासै खतरा छैन् भन्ने सरकारी दावी रहेको छ । गैरआवासीय नेपाली संघ (एनआरएनए) युक्रेनका पदाधिकारी साथीहरुले त्यहाँ रहेका सम्पूर्ण नेपालीहरुसँग सम्पर्क रहदै आएको डा. केसीले जनाउनुभयो । केसीका अनुसार हाल सम्म त्यहाँ रहेका सबै नेपालीहरु सकुशल छन् ।
डा. केसीले स्वयं नेपाली दुतावास जर्मनी, रसिया तथा गैर आवासीय नेपाली संघ युक्रेनका पदाधिकारी र त्यहाँका नेपालीहरुसँग निरन्तर सम्पर्कमा रहेर नेपालीको उद्धारको प्रयास गरेको बताउनुभयो ।
