रुकुम पश्चिम / प्रेस चौतारी नेपाल रुकुम पश्चिम शाखाको अध्यक्षमा हिरा परियार चयन हुनुभएको छ । मंगलबार जिल्ला सदरमुकाम मुसिकोटमा भएको शाखाको छैठौ जिल्ला अधिवेशनले उहाँलाई सर्वसम्मत अध्यक्षमा चयन गरेको हो ।

अधिवेशनबाट उपाध्यक्षमा ध्रुवराज केसी, समावेशी उपाध्यक्षमा राधा देवकोटा, सचिवमा टेकबहादुर रोका, सहसचिवमा विरेन्द्र आचार्य, समावेशी सहसचिवमा राधिका शर्मा र कोषाध्यक्षमा बिशाल घर्ति मगर चयन हुनुभएको छ ।

त्यसैगरी सदस्यहरुमा प्रेम प्रकाश गौतम, ललित परियार, टेकराज पुन र पुष्पा ओली चयन हुनुभएको नवनिर्वाचित अध्यक्ष हिरा परियारले जानकारी दिनुभयो ।

अधिवेशनले केन्द्रिय प्रतिनिधिमा मनिषा केसी र भिमबहादुर ओलीलाई चयन गरेको छ भने प्रदेश प्रतिनिधिमा ओम प्रकाश आचार्य, राधिका शर्मा र गंगाराम रोकायलाई चयन गरेको छ ।

प्रेस चौतारी नेपालका केन्द्रिय सदस्य नारायण कुमार शाहको प्रमुख आथित्यतामा भएको अधिवेशनमा नेकपा एमाले रुकुम पश्चिमका प्रचार विभाग प्रमुख कर्णबहादुर ओली, प्रेस चौतारीका फाँट इन्चार्ज तुलसा मल्ल, नेकपा एमाले रुकुम पश्चिमका जिल्ला सदस्य मोतिराम बिक, पत्रकार महासंघ रुकुमका संस्थापक सचिव हरिविष्णु ओली, प्रेस चौतारी रुकुमका पूर्व अध्यक्ष सुरेन्द्र खत्री लगायतको आथित्यता रहेको थियो ।