सोसल मिडिया
रुकुम पश्चिमको चौरजहारी नगरपालिका वडा नम्वर १४ को लिउरेबारी दयालेखमा रहेको शिव गुफामा शिवरात्रीको अवसरमा यस वर्ष पनि मेला लाग्ने भएको छ ।
आगामी फागुन ४ गतेदेखि ६ गते सम्म दयालेख शिव गुफामा मेला लगाउने गरेर तयारी सुरु गरिएको स्थानीय पहल ओलीले जानकारी दिनुभयो । मेला व्यवस्थापनको लागि स्थानीय गणेश केसीको संयोजकत्वमा मेला व्यवस्थापन समिति बनाईएको समितिका सदस्य समेत रहनुभएका ओलीले बताउनुभयो ।
परम्परागत रुपमा हरेक वर्ष लाग्दै आएको मेलालाई थप भव्य र सभ्य बनाउन स्थानीयवासीहरुको भेलाले १३ सदस्यीय मेला व्यवस्थापन समिति बनाएको हो ।
स्थानीयका अनुसार करिब १० मिटर गहिराईमा रहेको गुफा भित्र विभिन्न प्रकारका शिवका मुर्तिहरु कुँदिएको आकारमा रहेका छन् । उक्त स्थानमा हरेक वर्ष शिवरात्रीको दिन मेला लाग्दै आएको छ ।
गुफाको बिच भागमा मुर्ति रहेको छ । दायाँ साईडबाट छिरेर पुजा गर्ने र बाँया साईडबाट निस्कने गरिन्छ । एउटै साईडबाट आउने जाने गर्दा नराम्रो हुने विश्वास स्थानीयमा रहेको छ ।
बिधिबाचा पुरा नगरेपछि भोक खान्छ भन्ने पौराणिक विश्वासको कारण शिवरात्रीको अवसरमा पुजापाठ सहितको मेला लाग्ने गर्दछ । सुरुसुरुमा यसलाई चमेरे दुलो भन्ने गरिएतापनि भित्र हेर्दै जाँदा शिवको मूर्ति आकारका मूर्तिहरु कुँदिएको देखिएपछि यसको महत्व बढेको बताईन्छ ।
गुफा भित्र बिभिन्न ढुंगाका चित्रहरु, शिव भगवानको जस्तो मुर्ति, गाईका थुन, कुकुर जस्तो ढुंगाको मुर्ति रहेका छन् ।
यो पनि पढ्नुहोस् .....
लिउरेवारीमा रहेको शिवगुफा भित्र थरिथरीका मुर्ति
